Пакистан и Индија во ОН меѓусебно се обвинија за екстремизам
Пакистанскиот премиер Имран Кан ја обвини Индија во ОН дека ги „тероризира“ муслиманите, што предизвика реакција од индиската делегација.
Говорејќи на годишната сесија на Генералното собрание на ОН во петокот, Кан го обвини индискиот премиер Нарендра Моди дека сака „да ја исчисти Индија од муслимани“.
– Најлошата и најраспространетата форма на исламофобија сега владее во Индија, и таа влијае на околу 200 милиони муслимани кои живеат во земјата, рече Кан.
Првата секретарка во индиската мисија во ОН, Снеха Дубеј, реагираше веднаш, обвинувајќи го Пакистан дека му обезбедил засолниште на водачот на Ал Каеда, Осама бин Ладен, кој беше убиен во 2011 година од американски специјални сили.
– Тоа е земја (Пакистан) на пиромани која се претставува како пожарникар, рече таа, додавајќи дека Пакистан „ги храни терористите и се надева дека ќе ги загрози своите соседи“.
Ново на Сител
-
Вучиќ: Тајван е Кина и точка
-
Одбележување на годишнината од масовното убиство во Мало Орашје и Дубона
-
Во Пустец откриена спомен-биста на Гоце Делчев
-
Во црквата „Св. Спас“ одбележани 121 година од смртта на Гоце Делчев
-
Тешка сообраќајка во Прилеп: Се судриле камион и мопед, возачот на камионот избегал
-
Нова авиолинија Скопје-Рига-Скопје
-
Кривична пријава против две лица, расчистени 4 кривични дела, одреден притвор
-
За изборите на 8 мај акредитирани 1078 домашни и 770 странски набљудувачи