Пахор во убедливо водство на претседателските избори во Словенија
Претседателот на Словенија Борут Пахор убедливо води пред своите противкандидати на денешните претседателски избори со освоени 47,4 проценти од гласовите, соопшти вечерва словенечката Централна изборна комисија, по преброени 58 проценти од гласовите.
Далеку зад Пахор се независниот градоначалник на Камник, Марјан Шарец со освоени 24,8 отсто, Романа Томц од конзервативната Словенечка демократска партија (СДС) со 13,6 и Људмила Новак од партијата Нова Словенија - Христијански демократи (НСИ) со 7,1 проценти.
Останатите пет кандидати за словенечки претседател освоиле под два отсто од гласовите.
Претходно, словенечките медиуми јавија дека, според излезните анкети од денешното гласање, Пахор обезбедил втор петгодишен мандат, освојувајќи 56,2 проценти од гласовите.
Според аналитичарот Борут Хочевар, ваквите изборни резултати претставуваат предупредување за словенечкиот премиер Миро Церар во пресрет на парламентарните избори што ќе се одржат во јуни или јули следната година, имајќи предвид дека кандидатот на неговата Партија на модерниот центар (СМЦ), Маја Маковец Бренчиќ освои 1,8 отсто од гласовите.
Словенечкиот претседател во голема мерка има церемонијална улога во домашната политика, но сепак, според Уставот, тој е врховен командант на Вооружените сили и предлага повеќе носители на високи јавни функции, меѓу кои и гувернерот на Централната банка на Словенија.
Ново на Сител
-
Да не беше Киан ќе се изгубев себеси | Антониа Гиговска | ПРОфесија | Sitel Podcast 037
-
Грчките медиуми за изјавата на Мицкоски: Нова провокација од Северна Македонија
-
Зеленски: На Украина и се потребни системи „Патриот“ за заштитата на Харков
-
Коалицијата „Европски фронт“ поднесе седум тужби против решенија на ДИК на Парламентарните избори 2024
-
Град Скопје: Дезинсекцијата во Скопје се реализира согласно можноста и временските услови
-
Коалицијата „Вреди“ ја повлече тужбата по одлуката на ДИК за ИМ 0511
-
Две лица тешко ранети, а уште четири полесно во напад со нож во Швајцарија
-
Словачка не воведува вонредна состојба поради атентатот врз премиерот