Овој профил на Фејсбук никој не може да го блокира
Во време на социјалните мрежи нормална појава е некој корисник да блокира друг од која било причина и на тој начин се оневозможува пристап на објавите и директно праќање на пораки.
Иако се претпоставува дека можете да се блокирате секого, се чини дека не е сосема точно.
Имено, ако на Фејсбук се обидете да ги блокирате постовите на Марк Цукерберг, ќе ви стигне порака дека тоа не можете да го направите.
По појавата на оваа инфромација, многумина корисници на социјалните мрежи оценија дека се работи за неговата суета, дека Цукерберг ја искористил сопствената позиција и оневозможил да биде блокиран или дека станува збор за „шега“ на инженерите на Фејсбук, кои „сакале да му се додворат на моќниот шеф“.
Но, по се изгледа дека ништо од ова не е точно, туку дека се работи за безбедносна заштита, односно автоматска реакција на системот на Фејсбук.
Службениот одговор од Фејсбук открива дека постои нешто што се вика „блокер на блокирање‟ кој е автоматски систем кој реагира кога одреден профил е на удар на повеќекратни блокирања.
Некогаш злонамерници покренуваат кампањи против одредни поединци од повеќе извори, осносно од различни профили почнуваат да блокираат одредено лице. За да се спречи тој „мобинг“, Фејсбук изработил заштитен систем, што ќе ги штити луѓето кои некој ги напаѓа, објасни компанијата.
Но, голем број корисници на социјалните мрежи од ваквото образложение извлекоа заклучок дека многу луѓе сакаат да го блокираат Марк Цукерберг.
Неговиот профил на Фејсбук е меѓу најпопуларните во светот, со над 40 милиони пријатели.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево