Откриени остатоци кои е можно да и припаѓаат на исчезнатата аргентинска подморница
- Авион на американското Воено воздухопловство, вклучен во потрагата по исчезнатата аргентинска подморница „Сан Хуан“, на дното на Атлантскиот Океан откри неидентификуван објект кој емитува топлина, јави ДПА.
Според регистрираните податоци, станува збор за метален објект, што се наоѓа на длабочина од 70 метри под површината на Океанот, на 300 километри од брегот на аргентинската провинција Чубут.
Кон местото на лоцираниот овјект веќе се упатени спасувачки бродови и авиони.
Аргентинската Воена морнарица на 15 ноември информираше дека подморницата „Сан Хуан“ со 44-член екипаж исчезнала, откако испловила од пристаништето Ушуаја на Огнената Земја и се упатила кон Мар дел Плата
Подморницата требало да контактира со командата, но не го сторила тоа. Последен пат дала податоци за својата локација на 13 ноември.
Во потрагата по подморницата се вклучени авиони и бродови на Аргентина, Бразил, Велика Британија, САД и Чиле.
Портпарол на аргентинската Воена морнарица изјави дека не се изгубени сите надежи оти членовите на екипажот можат да бидат спасени, но додаде дека операцијата влегува во критична фаза бидејќи резервите со кислород во пловилото се при крај.
Ново на Сител
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување
-
Во рамки на акцијата „Темпули“ полицијата во Тирана уапси 20 лица и заплени кокаин, хероин и канабис
-
Приведени 14 државјани на Србија кои измамиле германски државјани за милион евра
-
Зголемен бројот на работници во индустријата
-
78-годишен тетовчанец тешко повреден во сообраќајка
-
Утре и задутре локални врнежи, во недела стабилно и потопло
-
Уапсен поранешен помошник министер, поранешен декан и професор на Геодетскиот факултет во Хрватска