Основниот буџет на Штип во 2017 година ќе биде зголемен за 5 отсто
Општина Штип го проектираше буџетот за наредната година. Раководителот на секторот за финансии во општина Штип, Трајче Цветков денеска изјави дека вкупниот буџет на општината со блок дотациите ќе изнесува 946 милиони денари, а основниот буџет 507 милиони денари.
- Вкупниот буџет бележи покачување од 1,5 отсто во однос на претходниот буџет, додека основниот буџет ќе биде зголемен за 5 отсто. Секако и во овој буџет најголем удел имаат капиталните инвестиции и тоа со учество од 43 отсто, така што можеме да кажеме дека главната карактеристика на буџетот е развојниот елемент, изјави Цветков.
Тој истакна дека средствата од новиот буџет се предвидени за изградба на инфарструктурни проекти кои се нотирани во двете развојни програми што се донесени од страна на советниците во Советот на општина Штип.
- Тоа се обиколницата меѓу улиците „Гоце Делчев“ и „Борис Крајгер„ што ќе го поврзува индустрискиот дел со населбите Сењак, Баби и регионалниот пат до општина Карбинци. Втората програма за развој е асфалтирање и реконструкции на улиците во село Караорман. Овие две програми ќе бидат во износ од 65 милиони денари, рече Цветков.
Во буџетот на општина Штип за 2017 година се предвидени и реконструкција и изградба на улици во градот Штип, како и изградба на нови тротоари. Има и ставка од три милиони денари за финансирање на локалните избори во 2017 година, кои согласно законот се обврска на секоја локална власт.
Предлог буџетот на општина Штип за 2017 година ќе се донесе од страна на советниците во Советот на општина Штип на последната седница, која вообичаено се одржува на крајот на декември.
Ново на Сител
-
Дел од српската опозиција за „Данас“: Владата ја направи безбедноста фарса
-
Венко Филипче избран за нов претседател на СДСМ, реакции од другите двајца кандидати | ВИДЕО
-
Активни пожари во струмичко и прилепско
-
Од денеска струјата по нова, минимално зголемена цена
-
Српски полицајци во заеднички патроли со црногорски колеги на приморјето
-
Осумнаесет израелски војници ранети во напад на дрон извршен од Хезболах
-
Екстремната десница извоjува историска победа во првиот круг од парламентарните избори во Франција
-
Многу топло со температура до 39 степени, од утре дожд