Османи во работна посета на Хрватска
Министерот за надворешни работи Бујар Османи својата работна посета на Хрватска денеска ја започна со средба со премиерот Андреј Пленковиќ, кому му се заблагодари за континуирана хрватска поддршка и исклучителниот ангажман за време на нејзиното претседавање со Советот на Европската унија, под чија палка беше постигнат консензус и беше донесена одлуката за почеток на пристапните преговори со Република Македонија и Република Албанија.
-Ние во пријателска Хрватска имаме искрен партнер, традиционален поддржувач на нашите аспирации за интегрирање во европското семејство. Особено го цениме фактот што Хрватска во сиот изминат период цврсто веруваше во Република Македонија, како важна алка во создавањето и одржувањето на стабилноста во регионот, нагласи Османи.
Како што се наведува во соопштението од МНР, хрватскиот премиер Пленковиќ истакна дека Хрватска ќе продолжи со силната и одлучна поддршка за евроинтеграцијата на Македонија, гласно ќе се залага во процесот на усогласување на преговарачката рамка и формалното започнување на пристапните преговори со одржувањето на првата Меѓувладина конференција, до крајот на оваа година.
Во текот на денот Османи ќе оствари средба и со својот хрватски колега, Горан Грлиќ Радман, а во рамките на посетата, ќе оствари посета и на хрватскиот Сабор, каде ќе се сретне со претседателот на парламентарниот одбор за надворешна политика Гари Капели, претседателот на одборот за европски прашања Домагој Хајдуковиќ и пратеничката Ермина Лекај Прљаскај, која ги претставува македонското, албанското, црногорското, бошњачкото и словенечкото национално малцинство.
На маргините на посетата на Хрватска, министерот Османи се очекува да има интервју за угледниот хрватски неделник „Национал“.
Ново на Сител
-
Антикорупциска ќе пресече дали Собранието да ѝ избере претседател пред изборите
-
Тема на денот со членови на Здружението „Карпалак“
-
Психијатар тврди дека Раде Трајковски – Штекли има шизофренија и не треба да му се суди
-
Од стартот на летото над 2000 сообраќајки на македонските патишта, 22 со фатални последици
-
Трите големи банки ги намалуваат надоместоците за граѓаните и компаниите, вели Славески
-
Како ќе влијаат царините на Трамп врз македонската економија?
-
Паркингот на Клинички ќе има нов ценовник – Пациентите ќе плаќаат повеќе од сега, но помалку од вработените!
-
Ќе се стави ли клуч на врата на 13 сеизмолошки станици во државата?