Османи: Шансата ја гледаме во јунскиот самит

Шансата ја гледаме во јунскиот самит. Не зависи од нас дали до 22 јуни ќе постигнеме договор, тоа зависи од состојбите во Република Бугарија и можноста тие да донесат одлука, порача денеска од Гевгелија министерот за надворешни работи Бујар Османи за „пеглањето“ на разликите со Бугарија до 22 јуни.

-Работиме како да јуни ни е единствена шанса, таков ни е пристапот за да можеме да ги ангажираме сите капацитети за изнаоѓање решение. Работиме за содржината на патоказот, разменуваме предлози со бугарската страна за да најдеме согласност по однос на содржината, бидејќи содржината е многу важна, информираше Османи.

Нагласи дека предлози се разменуваат на дневна основа, но оти се уште не е постигнат договор во однос на содржината.

-Имаме уште неколку дена, недели до 22-ри, меѓутоа, не можам да кажам и да потврдам дека тоа ќе се случи до 22 јуни, наласи министерот за надворешни работи и додаде дека и словенечкото претседателство продолжува да работи со ист фокус.