Осквернавен споменикот на Јуриј Гагарин во Загреб

Руската Амбасада во Загреб го осуди вандалскиот чин на сквернавење на споменикот на првиот човек во вселената, космонаутот Јуриј Гагарин, кој е поставен во хрватскиот главен град.

Непознати лица за време на новогодишната прослава го оштетиле натписот на споменикот, а потоа го запалиле.

Споменикот на Гагарин во октомври минатата година го открија градоначалникот на Загреб, Милан Бандиќ и рускиот амбасадор во Хрватска, Анвар Азимов.