Орбан: Унгарија е подготвена да учествува во меѓународна воена операција во Сирија

Унгарија е подготвена да учествува во меѓународна воена операција во Сирија, ако биде разработена разумна стратегија, изјави унгарскиот премиер Виктор Орбан во интервју за денешниот број на весникот „Фигаро“.

- Ако меѓународната заедница изработи разумна стратегија, ние сме подготвени да учествуваме. Како од морални причини, така и од сопствен интерес, изјави унгарскиот премиер.

Орбан за францускиот весник нагласи дека во догледна иднина христијанското население на земјите во ЕУ нема да е во состојба демографски да се натпреварува со зголемената по бројност муслиманска заедница.

- Ми се допадна кога германската канцеларка Ангела Меркел пред година и половина изјави дека мултикултурата е мртва. Заканата од тероризам е еден проблем, но од друга страна го има и предизвикот со интеграција на муслиманите, истакна тој.