Општина Кисела Вода и годинава обезбеди терапевтско пливање за децата со посебни потреби
Трета сезона по ред општина Кисела Вода продолжува со реализацијата на проектот ”Слобода во вода” наменет за децата со посебни потреби од овој дел на градот.
Истиот, кој е дел од Програмата за активности од областа на социјална заштита на општина Кисела Вода, преку спортски активности во вода на овие дечиња им овозможува подобрување на психофизичката состојба.
Тренерите-инструктори, секој петок, од 16 до 17 часот, на базенот ”Карпош”- Спортски центар ”Борис Трајковски”, индивидуално работат со дечињата со посебни потреби од општина Кисела Вода. Се работи за професори по физичка култура, поранешни активни спортисти со долгогодишно искуство во овој спорт, спасувачи на вода, сертифицирани физиотерапевти кои го знаат значењето на оваа терапија.
Користејќи ги методите на Halliwick програмата, тие, на дечињата кои имаат Даунов синдром, аутизам, церебрална парализа им овозможуваат зајакнување и активација на мускулите во водена средина, бидејќи истите на суво и во секојдневието не можат да ги користат заради нивната попреченост.
Воедно, им се намалува хиперактивноста, им се зголемува концентрацијата и фокусот на вниманието, им се подига самодовербата, со што се подобрува и нивната социјализацијата во средината во која живеат.
Финансиските средства за проектот ”Слобода во вода” ги обезбедува опшина Кисела Вода. Истиот се реализира заедно со Здружението на граѓани за лица со дисфункции, хендикеп, ретки болести и посебни потреби ”Дајте ни крилја”.
Ново на Сител
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето
-
Се одржа Меѓународниот натпревар за сирени во Шангај | ВИДЕО