Оливер Драгоевиќ и „Ареа” ќе настапат на „Тиквешки гроздобер“
Хрватскиот кантавтор Оливер Драгојевиќ, македонската рок група „Ареа“, Христијан Тодоровски, српскиот бенд „Зарѓали Ексер“, Наташа Малинкова и U2 Tribute Band се дел од музичките ѕвезди кои ќе настапат на годинашното издание на традиционалната стопанско-културна манифестација „Тиквешки гроздобер“, информираат од кавадаречката локална самоуправа. Традиционалниот настан ќе се одржи од 28 до 30 август.
- Настапот на Драгојевиќ е предвиден за 29 август, веднаш по завршувањето на карневалското дефиле кое ќе започне во 20 часот од кружниот тек во Кавадарци. За 28 август се предвидени концертите на Христијан Тодоровски, „Ареа“ и „Зарѓали Ексер“, додека на 30 август публиката ќе ја забавуваат U2 Tribute Band и Наташа Малинкова, истакнаа од локалната самоуправа Кавадарци.
Оттаму најавија дека листата на музичари кои ќе настапат на манифестацијата која привлекува голем број на луѓе се комплетира, па се очекува уште еден познат музичар да го потврди својот настап пред многубројните гости од земјава и странство.
Ново на Сител
-
Нивото на Охридското Езеро постојано осцилира
-
За еден ден домаќинките од Општина Босилово подготвија 220 килограми ајвар
-
Преглед на вести од светот
-
Пo 50 години конзервација на мозаиците на локалитетот Стакина чешма во Валандово
-
Преглед на вести од светот
-
Тема на денот со екс амбасадорот во Бугарија, Марјан Ѓорчев
-
Без новиот Закон за заштита на конкуренцијата ќе нема кој да контролира трговци
-
Љутков: Изградбата на Универзална е стопирана, бидејќи не се знае во чие владение е салата, следуваат кривични пријави