Околу 1.300 лица уапсени на протестот во Москва
Полицијата вчера привела околу 1.300 лица кои учествуваа на неодобрениот митинг пред канцеларијата на градоначалникот на Москва, соопшти денеска ДПА повикувајќи се на изјави на активисти.
Според московската полиција во акцијата на единицата за спречување нереди биле приведени над 1.000 демонстранти.
На неодобрениот собир во центарот на Москва се приведени 1.074 лица и тоа заради нарушување на јавниот ред и мир, изјави еден полицаец за Тасс. Претходно, во текот на денот, полицијата пријави дека има неколку стотини упасени.
Повеќе од 3.500 лица учествуваа вчера на собирот на кој се изрази протест поради контроверзното бришење на повеќемина независни кандидати од гласачкото ливче за изборите за Градскиот совет на Москва, закажани за 8 септември.
Американските медиуми наведуваат дека имаше и физички судири меѓу учесниците на протестот и полицајците, како и тоа дека демонстрантите извикуваа „ Русија ќе биде слободна“.
Пред самиот протест беа уапсени неколкумина видни руски опозиционери, меѓу кои и Илја Јашин, Дмитриј Гудков и најблискиот соработник на Навални, Иван Жданов.
Руските власти ги предупредија учесниците на протестот, што не добие одобрение, дека ќе одговараат пред законот. Градоначалникот на Москва, Сергеј Собјанин, изјави дека во градот се случуваат провокации кои се закана за животот и безбедноста на луѓето, пренесоа руските медиуми.
Ново на Сител
-
Индонезија трајно ќе пресели 10.000 луѓе по серијата ерупции на вулканот Руанг
-
Полицијата ги растера пропалестинските активисти од зградата на универзитетот во Париз
-
Кривична пријава за злоупотреба на постапка за јавен повик и несовесно работење во службата
-
НАТО ги осуди кибер нападите насочени против демократските институции, безбедноста и слободното општество
-
Канцеларија за Косово на Србија: На Петковиќ му е забранет влез во Косово за Велигден
-
Земјотрес од 5,9 степени според Рихтер ги погоди Филипините
-
ОН: Израелскиот напад врз Рафа ќе ги загрози животите на стотици илјади Палестинци
-
Посебен режим на сообраќај утре во Скопје