Оглас за субвенции во земјоделска опрема и механизација
Објавен е повик за доставување барања за користење средства од Програмата за финансиска поддршка на руралниот развој за 2016 година за инвестиции во земјоделска опрема и механизација за житни и индустриски култури.
Како што соопшти Агенцијата за финансиска поддршка во земјоделството и руралниот развој, крајниот рок за аплицирање е 20 февруари 2016 година, а барањата се поднесуваат електронски, по извршена регистрација на e-baranje.ipardpa.gov.mk.
Средствата се наменети за инвестиции за набавка на нови основни средства, оперативни трошоци поврзани со набавените средства и останати трошоци предвидени со Програмата за финансиска поддршка на руралиот развој за 2016 година.
Финансиската поддршка се исплаќа по принцип на ко-финансирање на завршени и исплатени инвестиции од страна на корисникот во висина од 50 отсто од вредноста на одобрените прифатливи трошоци за инвестиции, доколку поинаку не е определено. Ставката на ко-финансирање се зголемува во случаите кога баратели се млади земјоделци и кога земјоделските стопанства се лоцирани во подрачја со ограничени можности и недостапни рурални заедници до висина од 75 проценти.
Право на користење на средствата имаат земјоделски стопанства запишани во Единствениот регистар.
Упатството за регистрација на барателите во системот за електронско поднесување на барање може да се превземе на почетната страна e-baranje.ipardpa.gov.mk. За регистрација во системот сите заинтересирани странки потребно е да ги ажурираат сите податоци за земјоделските стопанства запишани во Единствениот Регистар на Земјоделски Стопанства при Министерство за земјоделство, шумарство и водостопанство.
Подетални информации заинтересираните можат да добијат во контакт центарот на Агенцијата на тел. (02) 3097-460 или на контакт е-адресата ipardpa.info@
Ново на Сител
-
Топлотниот бран ги разгоре пожарите: Најтешко се гаснат пламените јазици кај Јасен
-
Тема на денот со Петар Арсовски
-
Преглед на вестите од светот
-
Министерството за правда и експерти ќе бараат решение за учество на независни кандидати на изборите наесен
-
ДКСК утре ќе му одговори на Собранието дали смее да бира претседател на Антикорупциска
-
Полицијата ја врати разрешената директорка од Демир Хисар од информативен разговор, не ја викнале денес
-
Мицкоски е подготвен да плати „политичка цена“ со непопулистички мерки против поскапувањето на храната
-
Македонија има визија за Вештачка интелигенција, но само декларативно