Одлична вест за македонската ракометна селекција пред дуелот со Финска

Добра вест доаѓа од машката македонска ракометна репрезентација. 

 

Од федерацијата преку соопштение потврдија дека нема ниту еден позитивен на Ковид-19 во таборот на црвено-жолтите, а по последните спроведени тестови. 

 

Тоа значи дека селекторот Данило Брестовац ќе може да здивне, и дека утре против Финска на располагање ќе ги има сите ракометари кои се најдоа на неговиот список, како и двајцата кои дополнително ги повика. 

 

 

 

Со соопштението на РФМ се вели:

 

„Во пресрет на квалификациските натпревари за обезбедување пласман на ЕХФ ЕУРО 2022, со репрезентациите на Финска и Швајцарија, согласно протоколот од ЕХФ и протоколот за спроведување на ракометните натпревари, Ракометна Федерација на Македонија ги спроведе последните тестирања за детекција на вирусот COVID – 19.

Ве информираме дека сите резултати на спроведените тестови на ракометарите и стручниот штаб се НЕГАТИВНИ, воедно селекцијата на Финска го потврди списокот на делегацијата која пристигнува и се со НЕГАТИВНИ тестови.

Повторно напоменуваме дека согласно Протоколите за спроведување на натпревари донесени од Владата и документот издаден од Европската Ракометна Федерација “EHF Hygiene Concept” за спроведување на натпревари не е предвидена Прес-конференција/ брифинг со медиуми.

Со почит. Ракометна Федерација на Македонија“.