Одбележан денот на Општина Тетово
Со свеченост што се одржа во салата од Советот на општината денеска беше одбележан 3 - март денот на Општина Тетово.
По овој повод обраќање имаше градоначалничката на општината Теута Арифи која посочи дека 3. март преставува посебен ден за Општина и значаен датум во календарот на празниците. Таа се осврна на постигнатите резултати на локалната самоуправа во текот на минатата 2015 та година.
- Како успешно за минатата година го оценуваме напредувањето на работите околу изгрдбата на водоводот бидејќи останаа уште 1,2 километри, а веќе се завршени 7 километри од главниот цевковод. Имавме и многи инвестиции во патната инфраструктура, а тука е и започнувањето со работа на општинското јавно претпријатие за паркинзи што многу придонесе за намалување на сообраќајната гужва во центарот на градот. Ја искористив и денешната можност да им се заблагодарам и на сите институции и поединци за помошта во тешките денови од август кога имавме поплаки. За нас е значајно со истата динамика да продолжиме и во оваа година, изјави градоначалничката Арифи.
Тетовската локална самоуправа по повод денот на општината додели награди на личности, здруженија и организации кои со својата работа се истакнале во повеќе области и постигнале резултати од општествен интерес и за афирмација на градот и општина Тетово.
Овој општински празник се празнува откако во 2003 година, како ден на општина беше прогласен 3 март, датум на кој во 1992 година беше конституиран првиот повеќепартиски општински совет.
Ново на Сител
-
Голманот кој стана прв министер за спорт | Борко Ристовски | Неформално | Sitel Podcast 052
-
Зголемено движење на возила на Табановце
-
Активни уште две жаришта од големиот пожар на Огражден
-
Четворица малолетници пронајдени во бесознание во куќа во Скопје - итно пренесени на Токсикологија
-
СВР Скопје: 24 годишното момче од Ченто се самозапалило, но никој не го принудил, ниту бил киднапиран
-
Балансерот ќе биде укинат, во Министерството за администрација 43% од вработените се од етничките заедници
-
Двата „Ер трактор“ авиони на ДЗС се вклучуваат во гаснењето на пожарите во Неготинско
-
Вучиќ: Изложени сме на навреди и најдиректни закани