Од Македонија депортирани 25 албански државјани
По последната акција на СВР Тетово вчера, за откривање странски државјани кои непријавено престојуваат или работат на подрачјето, откриени и депортирани се 25 лица.
Од СВР Тетово информираат дека вчерашната акција била реализирана на подрачјата на Гостивар, Чегране и Галате, а на различни места затекнати и приведени се 25 албански државјани на возраст од 20 до 48 година, најмногу од градовите Дибр и Либражд, Република Албанија.
- Најголемиот број од нив воопшто не го пријавиле својот престој, не поседувале никакви документи и најверојатно илегално влегле во нашата земја. По нивното приведување и неколкучасовно задржување, албанските државјани предадени се на Отсекот за прекуграничен криминал, миграции, странци и реадмисија, изјави Марјан Јосифоски портпарол на СВР Тетово.
Лицата, главно економски мигранти, јави дописникот на МИА од Гостивар, доцна синоќа преку граничниот премин Блато депортирани се во нивната матична земја.
Ново на Сител
-
ДИК: Гласаат болни и изнемоштени лица, затвореници и дијаспора
-
Изборна статистика
-
Масовна посетеност на струшката литија
-
Страотна сообраќајка кај скопско Влае - тројца повредени
-
ДИК: Гласаат болни и изнемоштени лица, затвореници и дијаспора
-
Избори во Идризово, гласаат близу 900 затвореници
-
Во Штип гласаат болни и изнемоштени, излезноста со ист процент како и во првиот изборен круг
-
МВР подготвено за избори