Од четврток нов пресврт на времето - еве што следува оваа недела
Во Скопје Петровец утрово се измерени минимални минус два степена, а максимални шест степени е во Дојран.
Според УХМР, минус еден е во Берово и Тетово, нула во Виница, Крива Паланка, Ѓуриште, Крушево, Маврово, Демир Капија, Лазарополе, Куманово, Скопје, Штип, Битола и Струмица, еден во Гевгелија, два во Пожаране и Прилеп, три во Претор и Тополчани, како и четири степени во Дебар и Охрид.
Висината на снежната покривка е еден сантиметар во Лазарополе и Маврово, а количината врнежи изминатите 24 часа е четири литри на метар квадратен во Дебар и Маврово, два во Крушево, Крива Паланка, Охрид, Претор, Пожаране и Прилеп, како и еден литар во Виница, Дојран, Лазарополе, Тетово, Битола и Штип.
Преку ноќта и изутринава времето беше умерено до значително облачно со локални врнежи од дожд, а на планините од снег. Дуваше умерен ветер од јужен правец, кој во Битола достигнуваше брзина до 60 километри на час.
Во текот на денот ќе биде променливо облачно, во раните претпладневни часови, како и кон крајот на денот ќе има повремени врнежи од дожд. На планините врнежите ќе бидат од снег. Ќе дува умерен југозападен ветер, чиј правец кон крајот на денот ќе се промени во северен. Максималната температура ќе се движи од седум до 13 степени.
Во Скопје променливо облачно, претпладне со слаба магла, а кон крајот на денот со услови за повремен слаб дожд. Ќе дува умерен југозападен ветер, кој попладне ќе го промени правецот во северен. Максималната температура ќе достигне до 10 степени.
Утре се очекува преодно стабилизирање на времето со умерен ветер од северозападен правец кој ќе предизвика опаѓање на дневната температура. Во четврток ќе има нов влажен и постуден бран со локални врнежи од дожд, а на планините и на повисоките места од снег. Врнежите ќе бидат позастапени во југозападните делови. Ќе дува умерен до засилен ветер од северен правец, поради што дневните температури дополнително ќе опаднат. Потоа следува период на стабилно и суво време со ниски утрински температури, а дневните повторно ќе бидат во пораст.
Ново на Сител
-
Дачиќ: Човечки фактор е причина за сударот на возовите, најважно е дека нема загинати
-
Нетанјаху: Ќе ги донесеме сите заложници дома, живи или мртви
-
Девет повредени при судар на патнички и товарен воз во тунелот Вуков споменик-Панчевачки мост
-
Претседателот на Управен демантира дека врши притисок врз судиите кои одлучуваат за тужбите на Европскиот фронт
-
Израел ги негира обвинувањата за геноцид во Газа и вели дека прави се што може за да ги заштити цивилите
-
Одбиена тужбата на „Европски фронт“ за избирачкото место 1202 во Крушево, Управен треба да одлучи уште по 4 од 7 тужби
-
Управен суд ја одби тужбата на „Европски фронт“ за избирачкото место 1470 во Долнени
-
Европски фронт обвинува за јавен политички притисок врз Управниот суд