Обвинение за 29-годишен скопјанец кој украл возило и нападнал полицајци
По спроведување на истражната постапка, надлежен јавен обвинител до Основното јавно обвинителство Скопје поднесе обвинителен акт против 29-годишен скопјанец, кој се товари дека сторило кривични дела – тешка кражба и напад врз службено лице при вршење работи на безбедноста.
-Обвинетиот 29-годишен скопјанец делата ги сторил на 21 јули, кога забележал две лица, оштетениот и неговата сопруга, како го паркираат нивното возило марка БМВ Х5 наспроти ТЦ „Мавровка“ во Скопје и се оддалечуваат. Во тој момент, обвинетиот со погоден предмет – калауз ја отклучил заклучената врата на возилото и заедно со уште едно засега непознато женско лице го стартувал возилото и започнал да се движи. Кога сторителот со возилото се приближил до првата раскрсница бил забележан од сопственикот на возилото. Оштетените започнале да трчаат по возилото, го престигнале и се обиделе да го сопрат обвинетиот. Но и покрај обидите и вклученото црвено светло на семафорот, тој продолжил да управува со возилото, се наведува во соопштението од Јавното обвинителство.
По пријава на кривичниот настан, полицијата веднаш презела мерки за пронаоѓање на возилото. Откако дознале дека обвинетиот заедно со украденото возило се наоѓа во населбата Маџари, двајца полициски службеници со службено возило Шкода Јети и вклучени ротациски светла, се упатиле кон него. Го пресретнале и се обиделе да му го попречат натамошното движење, го сопреле возилото и се обиделе да го извадат обвинетиот надвор. Притоа обвинетиот најпрвин со возилото во движење удрил во полициското возило, за потоа и физички со опасно орудие – боксирач со бодеж да ги нападне двајцата полицајци и да им нанесе телесни повреди. Во акцијата за совладување на сега обвинетиот се придружило и трето службено лице полицаец, по што тој бил приведен со цел обезбедување на натамошниот тек на кривичната постапка.
Надлежниот јавен обвинител заедно со обвинителниот акт до Основниот кривичен суд Скопје доставил посебен предлог за продолжување на мерката притвор против обвинетиот, бидејќи ценел дека постои опасност од бегство, дека е можно осомничениот да го повтори кривичното дело, како и дека постои оправдан страв дека ќе ја попречува постапката со влијание врз сведоци.
Ново на Сител
-
Рубио му пренел на Лавров дека САД можат да се откажат од мировен договор за Украина ако нема јасни знаци дека може да се постигне
-
Приведен 21-годишен кумановец, при претрес на неговиот дом пронајдено е оружје | ФОТО
-
Идентификуван возачот кoj вчера со автомобил „голф“ влечеше врзaн кoњ, известен јавен oбвинитeл
-
Овчи сипаници најчесто акутно заразно заболување во март, пријавени 309 заболени
-
Кривична против поранешен градоначалник на Лозово и две лица за злоупотреба на службена положба
-
Свештена бигорска Обител: Велигден не е време за профит, туку за милосрдие
-
Најмногу дожд во Охрид и на Попова Шапка
-
Лишени од слобода двајца криумчари, пронајдени мигранти од Кина и Авганистан