Облачно време со сончеви периоди и слаб снег

Времето во Македонија ќе биде променливо облачно со сончеви периоди и со слаб локален снег во западните делови, кој кон југ ќе преминува во дожд. Кон крајот на денот во југоисточните делови ќе има услови за појава на локален дожд. Ќе дува слаб до умерен северен ветер.

Утринската температура ќе се движи од минус четири до еден, а дневната од два до седум степени.

Во Скопје слично време, променливо облачно, преку денот со краткотрајно наоблачување и со услови за слаб снег на повисоки места, а дожд на пониските. Ќе дува слаб до умерен северен ветер.

Утринската температура ќе се спушти до минус два, а дневната ќе достигне до четири степени. 

Утре преку ден и особено од попладне ќе почнат врнежи од дожд, а ќе дува умерен до засилен југоисточен ветер со што ќе почне неколкудневен врнежлив период, но и период на постепен пораст на дневните температури. Утринските температури ќе бидат главно во интервал од минус три до три степени, а до вторник тие благо ќе се зголемат.