Свет
30. October 2015 - 19:15

Обама наредил испраќање дополнителен број авиони во „Инџирлик“

Американскиот претседател Барак Обама издал наредба во базата „Инџирлик“ во Турција да бидат испратени дополнителен број авиони на Военото воздухопловство на САД, соопшти неименуван извор од Белата куќа.

Како што јавија американските медиуми, станува збор за авиони од типот Ф-16 и А-10.

Ваквата најави од Вашингтон уследи откако неименуван американски претставник соопшти дека САД во северна Сирија ќе испратат 20 до 30 воени советници од специјалните сили, кои и ќе им помагаат на умерените сириски бунтовници и курдските сили во борбата против групата Исламска држава.