Нуркачите ги бараат телата на исчезнатите од ерупцијата на вулканот на Белиот остров во Нов Зеланд
Полициски нуркачи во контаминираните води околу новозеланскиот вулкански Бел остров, каде нема речиси никаква видливост, денеска се обидуваат да ги пронајдат преостанатите две жртви од ерупцијата, во која досега погинаа најмалку 15 лица, а десетици се потешко повредени.
ДПА јави дека утринава во болница починало уште едно од повредените лица во ерупцијата.
До неа дојде во понделникот, а вулканската пепел го затру морето во близина на островот, па нуркачите мораат да се чистат по секое нурнување во морето.
Заменик комесарот на полицијата, Џон Тимс, условите за пребарување ги нарече „единствени и предизвикувачки“, пренесуваат американските медиуми.
И покрај активноста на вулканот и стравот од нови ерупции, војската вчера успеа да ги пронајде телата на уште шестмина туристи. Уште две лица, за кои се претпоставува дека се капетанот на бродот и туристички водич, се водат за исчезнати, но се верува дека веќе не се живи.
Нуркачите пребарувањето го почнаа вчера, но го прекинаа поради влошување на временските услови.
Авионското пребарување на островот беше прекинато во текот на ноќта.
Шестте пронајдени тела вчера беа префрлени во Оукленд на идентификација. Полицијата смета дека овој процес може да потрае некое време, иако работат што е можно побрзо за телата да им бидат вратени на семејствата.
На островот за време на ерупцијата се наоѓале 47 туристи и нивните водичи.
Ново на Сител
-
ФБИ: ДНК пронајдена на местото на убиството на Кирк му припаѓа на осомничениот Робертсон
-
Со нетрпение чекам да ја поднесат резолуцијата за црвените линии со Бугарија, ќе имаме наши позиции, вели Мицкоски
-
Мицкоски: Експертите ни говореа дека најмалку 7 дена ќе се гасне пожарот во Трубарево, ние го изгасивме за помалку од 30 часа
-
Со одлука на министерот Изет Меџити се затвора нестандардната депонија за отпад во Никуштак
-
Гиновска: Има надминување на дозволените вредности на гасовите во воздухот од пожарот во Трубарево, а за присуството на тешки метали ќе се знае во петок
-
ИЈЗ: Нема отстапки во вредностите за радијација во воздухот и почвата по пожарот во Трубарево, ниту тешки метали во водите
-
Двојно убиство и самоубиство попладнево во Велес
-
Победа на Андријано Димишковски во осминафиналето денес