Нуредини се надева дека ќе приберат што помалку пари од кесите

Во однос на парите кои ќе се добиваат од кесите кои од денес се продаваат по 15 денари, министерот за животна средина Насер Нуредини во Тема на денот на Сител рече дека се надева да приберат што помалку пари, и тие што ќе ги добијат ќе ги инвестираат во различни проекти.

- Ако сум искрен, се надевам дека ќе прибереме што помалку пари. Тоа ќе значи дека користиме помалку пластика. Како и да е, парите кои ќе се акумулираат во тој фонд, ќе ги инвестираме директно во проекти за животната средина, дел сигурно за кампања, подигнување на свеста, но и заедно со владата ќе ги поддржиме производителите кои ги продуцираат ќесите да бидат поиновативни и да продуцираат поинакви кеси во иднина, рече Нуредини.