Новиот „Ајфон“ со преклоп би можел да чини 1.800 до 2.000 евра
Американскиот технолошки гигант „Епл“ (Apple) се подготвува да влезе на пазарот на телефони со преклоп, па според последните неофицијални информации, тој потег и нема да биде воопшто евтин.
Имено, според кинеската платформа „Веибо“ (Weibo), првиот „Ајфон“ со преклоп, којшто според достапните податоци би требало да се вика „Ајфон 18 фолд“ (iPhone 18 Fold), би можел да чини меѓу 2.100 и 2.300 долари (1.800 – 2.000 евра). Тоа би го направило за околу 200 долари поскап од директниот конкурент „Самсунг галакси Зет фолд 8“ (Samsung Galaxy Z Fold 8), којшто веројатно ќе чини околу 1.900 долари (1.650 евра).
Станува збор за нов уред којшто ќе претставува комбинација од телефон и „Ајпад“ таблет, што има смисла за корисниците кои сакаат „сè во едно“, но високата цена и ризиците својствени за првата генерација на ваков уред може да претставуваат пречка за пошироко прифаќање, според познавачите.
Од друга страна, ако „Епл“ ја правда цената со квалитетот на изработка, долгорочната употреба и корисничко искуство и ако пазарот ја препознае предноста на еден уред што може да замени два, „18 фолд“ би можел да ја најде својата публика. Но и во сѐ ова, и „Самсунг“ ќе има корист, бидејќи токму оваа јужнокорејска компанија го снабдува „Епл“ со преклопливи ОЛЕД-панели, коишто се клучна компонента во производството на вакви уреди.
Влегувањето на „Епл“ на пазарот на телефони со преклоп може дополнително да го забрза развојот на оваа технологија, но и да ја засили конкуренцијата технолошките гиганти.
Ново на Сител
-
Вучиќ изјави дека ќе бидат распишани вонредни избори, но не прецизираше датум
-
СЗО: Глад и болести се шират во Судан, 25 милиони луѓе загрозени поради недостиг од храна
-
Жител на тетовско осомничен за задоволување полови страсти на јавно место
-
Поради сообраќајка во прекин регионалниот пат Маврови Анови - Дебар
-
Кривична за четири лица за тешка кражба, нанеле штета од над 10 милиони денари на ЈП за железничка инфрастрактура
-
Приведени две лица од Неготино, одзеле 30.000 евра од дом на брачен пар
-
Германија го запира извозот на воена опрема во Израел и повикува на прекин на огнот во Газа
-
76-годишна жена измамена за 20.000 евра - и кажале дека ќерка и била прегазена, биле потребни пари за операција