Нови звучни сликовници во издание на „Просветно дело“

Десетина нови наслови за деца промовираше денеска издавачката куќа „Просветно дело“.

Станува збор за звучните сликовници „Малиот доктор“, Први зборови, „Јас зборувам англиски“, „Речник со моите 150 први англиски зборови“... кои им овозможуваат на децата да учат самостојно и низ игра и се во чекор со светските трендови за литература за деца.

- За нас како издавачи главен предизввик е да ги поместуваме границите на детската фантазија. Со нашите изданија почнувајќи од „Паметните таблети“, преку „Звучната азбука“ се до актуелните наслови оформивме едиција звучни изданија кои бележат рекордна продажба, изјави Татјана Димовска Атанасова менаџер за односи со јавност во „Просветно дело“.

Главниот уредник на оваа издавачка куќа Ксенија Трајчевска најави нови изданија за 2017 година и отворање нов продажен салон во центарот на Скопје (ул. Македонија спроти Спомен куќата на Мајка Тереза), кој рече, ќе биде со европски шмек.