Променливо облачно време со сончеви периоди

Времето денеска ќе биде променливо облачно со сончеви периоди. Кон крајот на денот и во текот на ноќта во северозападните делови ќе има повремени врнежи од дожд, на планините од снег. Ќе дува слаб до умерен ветер од јужен правец.

Минималната температура ќе биде во интервал од минус девет до минус два, а максималната ќе достигне од три до девет степени.

Во Скопје, променливо облачно со сончеви периоди. Ќе дува слаб променлив ветер.

Минималната температура ќе се спушти до минус шест, а максималната ќе достигне до четири степени.

Во сабота ќе има локални врнежи, на планините и на повисоките места од снег, а во пониските од дожд и снег. Врнежите ќе бидат пообилни во западните делови, а висината на снежната покривка дополнително ќе се зголеми.

Во недела и понеделник ќе дува умерен до засилен северен ветер (над 60 km/h) и ќе има повремени локални врнежи од снег. Температурата ќе биде во опаѓање, а наместа дневната ќе остане под нула степени. Од вторник следува период на стабилно и суво време.

МИА