Нови шест случаи на Ковид-19 во Грција, починаа уште две лица

Во изминатото деноноќие во Грција се регистрирани само шест нови случаи на Ковид-19, а починаа уште две лица, соопшти попладнево претставникот на експертскиот тим во борбата против новиот коронавирус при Министерството за здравство на Грција, професорот Сотирис Циодрас.

Со новите регистрирани позитивни и смртни случаи, вкупниот број на заразени во земјата се зголеми на 2.632 лица, а на починати на 146 лица.

Во грчките болници, приклучени на респираторни машини се 35 лица, а 81 бил отпуштен од одделите за интензивна нега.

Досега, анализиран е 80.951 примерок, 1.619 повеќе од вчера.