Нови пет случаи со коронавирус во Косово, вкупно 140 заразени
Институтот за јавно здравство на Косово (ИШПК) информира дека вчера се потврдени нови пет случаи кои, од извршените испитувања во текот на денот, резултирале позитивни на Ковид-19, со што официјалната бројка на заразени со новиот вирус во земјата достигна до 140, јави дописникот на МИА од Приштина.
Според синоќешното соопштение на ИШПК, во саботата се тестирани примероците на 128 лица за кои постоело сомневање дека се можни носители на вирусот, а вкупната бројка на тестирани од 8 февруари, заклучно со вчера изнесува 1.871.
Сите нови случаи се заразени од контакти со лица кај кои претходно е потврдено присуството на вирусот, двајца од нив се од исто село во општина Малишево, а по еден од Приштина, Вучитрн и од карантин во кој се сместени лицата кои се вратени од странство по воведувањето на мерката за нивна 14-дневна изолација.
Вчера се потврдени како излечени и седум нови случаи кај кои претходно било потврдено присуството на Ковид-19, со што вкупната бројка на лица кои од појавата на првите заразени, на 13 март, се излечени достигна до 23. Во истиот период е забележан и еден смртен случај како последица на епидемијата.
Ново на Сител
-
Fast Food 7 - принцип за постојан квалитет | Билјана З. Попова | Бизнис приказни | Sitel Podcast 030
-
Пронајдена неексплодирана експлозивна направа во Битола
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп