Нови осум случаи со коронавирус во Косово, заразени вкупно 71 лице
Националниот институт за јавно здравство на Косово (ИШПК) објави попладнево дека во земјата се откриени осум нови случаи на лица заразени со вирусот Ковид-19, по што официјалната бројка на носители на новиот коронавирус сега изнесува 71, јави дописникот на МИА од Приштина.
Според соопштението на ИШПК, четворица од лицата кај кои денеска е потврдено присуството на Ковид-19 се од село во општина Малишево, тројца се жители на Приштина и едно лице од општина Вучитрн.
Во текот на денешниот ден во лабораторијата за молекуларна миробиологија на ИШПК се испитани 34 примероци земени од лица хоспитализирани на Инфективната клиника на Клиничкиот и универзитетски центар на Косово и од терен.
Од 8 февруари, заклучно со денешнниот ден, тестирани се вкупно 766 примероци на лица за кои постоело сомневање дека се заразени од коронавирусот. Од нив, 71 случај резултираа со позитивен наод, додека едно лице, возрасен маж на 82-годишна возраст, почина, се вели во соопштението на ИШКП.
Ново на Сител
-
ЦУК: Активни четири пожари, 15 изгаснати, еден ставен под контрола
-
Во Норвешка, речиси секој нов автомобил е електричен
-
Татко ми ме учеше на македонштина | Дамјан Стојановски | ПРОфесија | Sitel Podcast 104
-
Влада: Ќе се основа Мултифункционален научно-технолошки парк
-
Германската царина откри 1.500 тарантули криумчарени во колачи
-
Јавниот повик за прием на 400 пожарникари завршува во четврток, најдобрите ќе бидат дел од новата специјална единица на ДЗС
-
ЦУК: Активни шест пожари, изгаснати три
-
Алкалоид против Хановер во баражот за групната фаза во Лига Европа