Нови 39 заболени и 21 излекуван од Ковид-19 во Косово, вкупно 669 заразени и 159 излекувани
Институтот за јавно здравство на Косово (ИШПК) објави дека во текот на вчерашниот ден во земјата се потврдени нови 39 случаи, кои од извршените испитувања резултираа позитивни на Ковид-19, со што официјалната бројка на носители на новиот коронавирус во Косово достигна до 669.
Вчера во Косово се евидентирани и 21 лице излекувано од заразната болест, согласно методите пропишани од Светската здравствена организација, со што бројката на лица кои ја пребродиле болеста се зголеми на 159.
Најголемиот број новозаразени, вкупно 26, се од општина Пеќ, деветмина се од Призрен, двајца од Северна Митровица и по еден од општините Исток и Звечане.
Според синоќешното соопштение на ИШПК, вчера во неговата Лабораторија за молекуларна микробилогија се тестирани примероците на 255 лица за кои постоело сомневање дека се можни носители на новиот коронавирус. Вкупната бројка на тестирани од појавата на епидемијата, заклучно со вчерашниот ден, изнесува 5.627.
Во четвртокот е забележана и една нова жртва на Ковид-19. Станува збор за 53-годишен маж од Призрен, кој десет дена порано бил примен на лекување во тешка општа здравствена состојба. Вклучително последната жртва, бројката на починати од заразата во Косово се искачи на 19.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка