Нова водоводна мрежа на улицата „Сердарот“ во Драчево
Жителите од улицата „Сердарот“ во Драчево добија нова водоводна мрежа со вкупна должина од 1.345 метри, во вредност од околу 21 милиони денари. За таа цел денеска увид во градежните работи завршија претседателот на Советот на Кисела Вода Трајче Донев, генералниот директор на ЈП „Водовод и канализација“ Александар Атанасов и секретарот на Град Скопје Марјанчо Тодоровски.
- Се работи за изведба на нова водоводна мрежа што се работеше во три фази. Во првата фаза беа изведени 464 метри, во втората фаза 361 метри и во последната фаза беа изведени 320 метри. Водоводната мрежа е со профил на цевки од 110 и 90 милиметри, рече Атанасов. Додаде дека по барање на граѓаните третата фаза ќе биде продолжена за уште околу 200 метри и ќе изнесува 520 метри.
Со реализација на мрежата и прикучоците од мрежата до водомерните шахти, како што рече, во нивните дворови водоснабдување ќе имаат околу 700 жители, чии домови гравитираат кон изведената улична водоводна мрежа.
- Се заокружува еден проект кој е од голема важност за жителите на селото Драчево. Изградбата на трета фаза од проектот за реконструкција на водоводната мрежа на улицата „Сердарот“ ќе стави крај на проблемите кои само до пред неколку години ги имаше локалното население. На ова место постоеше дотраена водоводна мрежа, изградена по земјотресот од страна на жителите, што резултираше со слаб притисок и недоволна количина на вода, истакна Донев.
Атанасов, Тодоровски и Донев се сретнаа и со жителите на Драчево, кои изразија задоволство од реализацијата на овој проект.
Ново на Сител
-
Свечља: Вучиќ ќе биде затворен ако се обиде без дозвола да влезе во Косово
-
ИНСТАТ ја коригираше грешката, на прегледот за пописните резултати напиша Македонци
-
До 14 часот на изборите за нов лидер на СДСМ гласале 28,61 отсто од регистрираните избирачи
-
Мицкоски на средба со Перински и Димитриеска Кочоска: Со ребаланс на буџетот ќе обезбедиме 250 милиони евра за инфраструктурен развој на општините
-
Бериша: Албанија нема повеќе од 1,4 милиони население
-
Од вторник повторно нестабилно време со пороен дожд и грмежи
-
Дачиќ: Синагогата во Белград е можна првична мета на терористичкот напад во Белград
-
Северна Кореја: Односите меѓу Јужна Кореја, САД и Јапонија се развија во азиска верзија на НАТО