Нова телеграма од Спасовски за овластувањата во МВР
Министерот за внатрешни работи Оливер Спасовски денеска со нова телеграма ги информирал вработените во МВР на што се однесува неговиот вчерашен допис со кој престанаа да важат овластувањата од поранешните министри за раководните лица во Министерството.
- Во врска со телеграмата бр.131-60 од 12.11.2015 година, со која престануваат да важат овластувањата од министрите за внатрешни работи кои раководеле со Министерството за внатрешни работи до денот на донесување на наведената Одлука за избор на членови на Владата на Република Македонија, информирам дека истата се однесува на сите пренесени овластувања, освен овластувањата за донесување решенија, други управни акти и документи во управни работи, овластувањата за прием и заведување на актите во деловник и уписник и овластувањата за ракување со печати и штембили, кои ќе важат до донесување на нови решенија за пренесување на предметните овластуања, се вели во телеграмата што ја објавуваат медиумите.
Телеграмата е упатена до раководителите на сите организациски единици во седиштето на Министерството, Бирото за јавна безбедност, централните полициски служби, сите сектори за внатрешни работи, Управата за безбедност и контраразузнавање и сите сектори во Управата за безбедност и контраразузнавање на територијата на Република Македонија.
На функцијата министер за внатрешни работи Спасовски беше избран завчера, како кадар на предлог од опозициската СДСМ, по гласањето на законите што произлегоа од Договорот во Пржино за надминување на политичката криза.
По објавувањето на правата телеграма од Спасовски се огласи СДСМ со став дека овластувањата во МВР се одземени за да се спречат злоупотреби. Владејачката ВМРО-ДПМНЕ пак оцени дека Спасовски започнал со спроведување политизацијата на МВР, според партиски насоки и оти во одбрана на секоја негова одлука се објавени партиски соопштенија од СДСМ.
Ново на Сител
-
САД го прошируваат списокот на производи од челик и алуминиум со високи царини, автоиндустријата реагира
-
Салах е прогласен за играч на сезоната во Премиер лигата по рекорден трет пат
-
Приведени три лица од Штип, при претрес на нивниот дом пронајдени се пушки и муниција | ФОТО
-
Летови Скопје-Франкфурт со „Луфтханза“ и во зимската сезона
-
Во регистарот на ДКСК евидентирани 1916 возила согласно роковникот на за локалните избори
-
„Дружба“ повторно активен: Унгарија ја обнови испораката на нафта
-
Арсенал суспендираше 17 свои навивачи
-
На ГП „Табановце” и на „Богородица“ се чека до 30 минути