Нова сообраќајница во село Љуботен

Општина Бутел ја заврши изградбата на новата сообраќајница во селото Љуботен. Станува збор за новопробиена улица долга 330 и широка 6 метри со нов тротоар од бекатон плочки во широчина од 1,5 метри за безбедно движење на пешаците, посебно на учениците од ОУ „Лиман Каба“. 

Оваа сообраќајница, инфорираат од општина Бутел, директно го поврзува десниот дел од селото во правец север – југ и води до основното училиште, со што се подобрува сообраќајната комуникација и се избегнува единствениот заобиколен пат во селото.

Овој проект го реализираше градежната фирма „Вардарградба“ од Скопје, а средствата во висина од 3,5 милиони денари се обезбедени од буџетот на општина Бутел.