Нов проект на ФФМ ,,Куќа на фудбалот"
За да ја приближи возбудата од фудбалските терени ширум земјава до секој љубител на македонскиот фудбал, Фудбалската федерација на Македонија (ФФМ) почнува со проектот наречен „Куќа на фудбалот“. - Македонскиот фудбал го следиме, читаме по весници, кликаме вести на портали, го разговараме, а тоа значи дека фудбалот во Македонија е актуелен и го сакаме. Суштината на емисијата ќе биде да се доближи македонскиот фудбал до публиката, да се дискутира за него, да се даде критика кога е потребно или пак, некој заслужен позитивен коментар.” – изјави Златко Андоновски, портпарол на ФФМ. Емисија ќе се реализира во скај студио во ФФМ со поглед кон терените во комплексот „Куќа на фудбалот“. Концептот на емисијата ќе биде сличен на европските интерактивни дебатни емисии за анализа на фудбалските натпревари по секое одиграно коло во македонската Прва лига и второлигашката конкуренција. Овозможено е он-лајн следење во живо на пет саботни натпревари од втората лига и пет неделни натпревари од првата лига преку посебната платформа на ФФМ: tv.ffm.com. Секој понеделник во рамки на емисијата во која ќе се прави преглед на колото, натпреварите ќе бидат анализирани, дебатирани и оценувани од стручен агол од страна на гости инволвирани во различни аспекти на фудбалската игра. - Во Македонија досега не постоеше емисија од ваков карактер и со ваков концепт каде што ќе се даде простор да се изнесе мислење за случувањата во спортот кај нас и поради тоа сигурни сме дека ќе има позитивен одѕив и ќе биде позитивно оценета и прифатена од јавноста и од фудбалските експерти, додава Андоновски. Првата емисија ќе биде емитувана вечерва по вестите на телевизија Канал 5, а прв гостин е претседателот на ФФМ, Илчо Ѓорѓиоски.
Ново на Сител
-
Сијарто: Војната меѓу Украина и Русија не е унгарска војна
-
Седница на Буџетскиот совет на Собранието
-
Изгаснат пожарот кај Церово, активни четири
-
Мицкоски на увид во градежните работи на државниот пат А2, обиколница „Крива Паланка“
-
Гувернеркара на ФЕД поднесе тужба против Трамп
-
Во Полска се урна авион Ф-16 на проба за аеромитинг, пилотот загина
-
Мерц повеќе не верува дека ќе има средба меѓу Путин и Зеленски
-
Сончево и топло со температура до 37 степени, за викендот нестабилно со локален пороен дожд