Нобеловци до саудискиот крал: Спречете ги егзекуциите на 14 млади лица
Десетмина нобеловци апелираа до саудискиот крал Мохамед бил Салман да покаже милост и да го стопира егзекутирањето на 14 млади луѓе осудени на смртна казна поради учество во протестите во 2012 година.
Лауреатите во писмото доставено вчера до Обединетите нации наведоа дека смртна казна е изречена за 14 припадници на шиитското малцинство на масовното судење, поради учество во протестите, кои саудиските власти ги окарактеризираа како „вооружен бунт“.
Добитниците на Нобеловата награда исто така тврдат дека саудиските власти ги изнудиле нивните признанија и дека уапсените биле физички малтретирани.
Меѓу оние за кои е изречена оваа пресуда е и Муџтаба ал Свеикат, кој е уапсен пред да полета за САД заради школување на Универзитетот во Мичиген. За време на апсењето тој имал 18 години.
Американската федерација на наставници го повика претседателот на САД, Доналд Трамп од Саудиска Арабија да побара да се откаже од погубувањето на Ал Свеикат и другите лица.
Меѓу потписниците на писмото се поранешните претседатели на Полска, Јужноафриканската Република и Источен Тимор, Лех Валенса, Фредерик де Клерк и Жозе Рамош Орта и јужноафриканскиот борец против апартхејдот, Дезмонд Туту.
Ново на Сител
-
Шеснаесет пожари регистрирани низ Македонија – три сè уште активни
-
Трамп: Џорџ Сорос и неговиот син треба да бидат обвинети за поддршка на насилните протести
-
Алиев: Трамп заслужува Нобелова награда за мир
-
Што ја гуши Преспа со Јован Тозиевски | Неформално | Sitel Podcast 111
-
На ГП Богородица се чека 40 минути, на ГП Дојран 20, а на ГП Табановце 30 минути
-
ЦУК: Регистрирани 12 пожари на отворен простор, четири изгаснати
-
Кремљ: Средба меѓу Путин и Зеленски треба да биде добро подготвена
-
Јавниот автобуски превоз во Скопје утре по неделен возен ред