„Њујорк тајмс“: Странска сила изведе агресивни кибер напади врз САД
Странска сила изведе агресивни кибер напади врз САД и на тој начин се вмеша во минатогодишните претседателски избори, оставајќи бројни знаци дека ќе се врати повторно, но американскиот претседател Доналд Трамп не обрна внамание, како тоа да не е ништо важно, пишува во уредничката статија на весникот „Њујорк тајмс“.
Ако не поради истрагата за евентуалните тајни врски меѓу штабот на Трамп и Русите или за тоа дали самиот Трамп ја прекршил правдата, тогаш поради индиферентноста, американскиот претседател ќе биде и понатаму вест на првата страница, предвидува весникот.
Засега нема докази дека нападите на хакерите врз серверите на демократите и врз изборните администрации во најмалку 39 земји, се одразиле на резултатите на изборите, но тоа е друго прашање, оценува весникот.
„Њујорк тајмс“ пишува дека уште поважно е тоа што Руси извршиле слични напади и врз многу други земји (споменати се Естонија, Украина, Полска, Германија, Франција и Бугарија) и тие стануваат се подобри во оваа дејност.
Тие шират лажни вести и други дезинформации, со цел да се вмешаат во изборите на други земји, како што направија во САД, напоменува весникот.
Дури и ако истрагата не покаже дека постоеле тајни врски меѓу штабот на Трамп и претставниците на Русија, одбивањето на американскиот претседател да ја признае вистината за „овој напад врз нашата демократија“ ги прави САД ранливи за уште слични напади во иднина.
Ново на Сител
-
За личниот живот и 30 годишната кариера со Суперхикс | Петар Младеновски | Sitel Podcast 038
-
Се урна хеликоптерот во кој патуваше претседателот на Иран
-
Велешанец собирал печурки, во коленото му влегол проектил од огнено оружје
-
Пронајдени мигранти од Ирак и Турција
-
Возач и сопатничка повредени во сообраќајка на експресниот пат Штип-Радовиш
-
Мицотакис ја повикува Силјановска Давкова да избегне „слични незаконски и провокативни“ постапки
-
Стабилна состојба на работникот, кој се здоби со тешки повреди во лифт во штипски угостителски објект
-
Гостивар: Двајца возачи се судриле со три паркирани возила