Ништо од примирје, се слушаат сирени за напад, гори појасот Газа: Жестоки судири во текот на ноќта, војската довела тенкови на границата

Палестинските екстремисти од појасот Газа во текот на ноќта повторно испукале ракети на цели на југот на Израел, а оваа држава одговорила со воздушни напади на територија под контрола на Хамас, иако Палестинците соопштиле дека со помош на Египет било постигнато примирје.

Сирените за напад продолжиле да се слушаат во израелските градови во близина на границата, а војската распоредила дополнителни трупи и тенкови на границата и соопштила дека како одговор на ракетните напади нападнале комплекс и станица на Хамас.

Немало непосредни извештаи за жртви.

RAW FOOTAGE: This is what it feels like to be under rocket attack.

Hamas sees all of Israel as a target. pic.twitter.com/EgjIJfT0Mc

— Israel Defense Forces (@IDF) March 25, 2019

Најновите судири меѓу Израел и Палестина почнале во понеделникот наутро откако седум Израелци биле ранети во ракетен напад во близина на Тел Авив. Израел потоа во знак на одмазда извел низа воздушни напади на локации ширум појасот Газа, во кој седум лица биле ранети кога во текот на нападот била погодена една куќа.

Палестинските власти потоа во понеделникот соопштиле дека Египет посредувал во постигнување на примирје. Според наводите на неименуван службеник кој е запознаен со посредувањето на Египет, примирјето стапило на сила во 22 часот по локално време. За тоа дека бил договорен прекин на огнот јавила и телевизијата на Хамас.

What do you do at your office each day? Send emails? Create spreadsheets? Make phone calls?

Hamas chief Ismail Haniyeh uses his office in order to lead a brutal terrorist organization in a war of aggression against Israel.

We just destroyed his office. pic.twitter.com/26KGVlac7F

— Israel Defense Forces (@IDF) March 25, 2019