Николовски: Нека е честит Рамазан Бајрам, да продолжиме по заедничкиот пат што обединува

Нека е честит и благословен празникот и нека донесе радост, среќа и спокој во вашето семејство, во вашиот дом, во вашите срца, вели генералниот секретар на СДСМ Љупчо Николовски во честитката упатена до верниците од исламска вероисповед по повод муслиманскиот празник Рамазан бајрам.

Во духот на празникот, како што порачува Николовски, да ја шириме добрината, човечноста, меѓусебната почит и добрата мисла.

-Да се потсетуваме на милоста и прошката која треба да ја имаме за себе, за блиските, за пријателите. Токму тоа се вредностите кои не обединуваат и за кои се залагаме. Да го продолжиме заедничкиот пат, преку негување и унапредување на концептот едно општество за сите, концепт кој не обединува и кој води напред. Ви посакувам добро здравје, благодет, радост и среќа. Честит Рамазански бајрам! , вели Николовски во честитката.