Николоски: Споменот за загинатите херои е вечен
Денеска сме тука за да им оддадеме почит на хероите кои ги дадоа животите на Карпалак бранејќи ја Македонија, изјави потпретседателот на ВМРО-ДПМНЕ Александар Николоски, при денешното чествување во Прилеп за 10 загинати на Карпалак.
– Десетте загинати херои ги бранеа независноста, целовитоста, унитарноста на Македонија во 2001-та година. Нивниот спомен е вечен. Но, е и завет за иднината, за следните генерации да го продолжат нивното дело, да се гради Македонија како просперитетна, суверена, самостојна, економски стабилна, да се гради како напредна држава, изјави Николоски.
Николоски најави дека во месноста Карпалак ќе се изгради споменик и има идејно решение за тоа.
Потпретседателот на ВМРО-ДПМНЕ истакна дека сака да отвори уште една актуелна тема во Прилеп, за безбедноста во градот повикуваќи ги надлежните да ги откријат сторителите на криминалните дела.
-Градот се претвори во град од Дивиот Запад, царува мафијата и е во спрега со оние кои треба да го спроведуваат законот. Поминуваат недели, а од некои случаи и месеци без да се откријат сторителите на запалените возила, пред се мислам на запаленото возило на пратеникот Петар Ристески, на директорот на јавното комунално претпријатие, на вработена во Општината. Ги повикувам надлежните да ги откријат, зашто добро сите знаеме кои се тие. По промената на власта секако дека ќе бидат откриени и казнети, но заради безбедноста на градот и на граѓаните, добро е тоа да се направи побрзо, изјави Николоски.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово