Невремето во Далас однесе осум животи, вкупно 25 жртви во САД
Поширокото подрачје во Далас го погодија повеќе торнада кои зад себе оставија значителна материјална штета, како и осум жртви, соопштија денеска локалните власти.
Вкупниот број на жртви на бурата која доцна синоќа ги погоди јужните држави во САД, Мисисипи, Тенеси и Арканзас, за време на божиќните празници се зголеми на 25.
Најмалку осум лица загинаа кога невремето го зафати густо населеното урбано подрачје кое ги опфаќа Далас и Форт Ворт, кое во исто време остана и без електрична енергија.
Градските власти на Гарланд во Тексас соопштија дека во тој град загинале пет луѓе, откако нивните возила се нашле во торнадото, како и одреден број луѓе се повредени во невремето.
Торнадата, за кои локалното население наведува дека биле најмалку четири, прекинувале електроводи и соборувале столбови, по што околу 50.000 луѓе останале без струја, објави весникот „Далас морнинг њуз“.
Уште три лица загинале во инциденти предизвикани од бурите во округот Колин, јужно од Далас-Форт, наведе весникот, повикувајќи се на информации од полицијата.
Милиони жители на југот на САД во моментот се опоравуваат од последиците на силните бури и поплави од претходните денови, предизвикани од невообичаено топлото време за овој период од годината.
Ново на Сител
-
Приведена 46-годишна жена, управувала возило со 107 км на час на место каде што е дозволено 50
-
Ризикот да се загине на патиштата во Бугарија е 2,5 пати поголем од просекот во ЕУ
-
Кина очекува прифатливо решение за сите страни во војната во Украина
-
Пожарникари се борат со голем шумски пожар на хрватскиот остров Брач
-
На аеродромот во Атина откриени 500 килограми дрога Кат во вредност од 1,5 милиони евра
-
ФСБ спречила обид на украинските служби да активираат автомобил - бомба на Кримскиот мост
-
Кина постави обемен ВИ-модел на Кинеската вселенска станица
-
ПОЦ: Минатата недела санкционирани се 103 непрописно паркирани возила на територија на Општина Центар