Нема преживеани во авионската несреќа во северен Пакистан
Нема преживеани при уривањето на авионот на авиокомпанијата „Пакистани Интернешанл Ерлајнс“ (ПИА), со 48 патници и членови на екипажот, во северниот дел на Пакистан, соопшти пакистанската Управа за цивилно воздухопловство.
- Нема ниту еден преживеан, изјави портпарол на цивилното воздухпловство.
Претходно беше потврдена смртта на 36 лица.
Меѓу жртвите има тројца странски државјани - двајца Австријци и еден Кинез.
Авионот од типот „АТР-42“ на летот ПК-661 на релација Читрал - Исламабад, се урнал во реонот на градот Хавелијан, на 70 километри од Исламабад. Засега не се познати причините за несреќата.
Според странски медиуми, кои се повикуваат на извори во пакистанските власти, авионот прво се запалил, а потоа паднал на земјата.
„АТР-42“ е двомоторен клипен авион, што компанијата ПИА го користела за своите куси линии во Пакистан. Авионот е произведен од АТР, со заедничко вложување на групата „Ербас“ и италијанската фирма „Леонардо“.
Странските медиуми јавуваат дека меѓу патниците бил и домашната поп ѕвезда Џунаид Џамшед.
ПИА беше обвинета за несоодветни мерки за безбедност во 2006 година, откако при слична несреќа загинаа 44 лица. Европската Унија во 2007 ги забрани летовите на компанијата кон нејзините земји членки.
Ново на Сител
-
Битолчанка пронашла граната додека копала нива
-
До вторник сончево и топло до 29 степени
-
Нето надворешниот долг на крајот на 2023 година изнесувал 4.458 милиони евра
-
Тетовци се жалат дека не можат да излезат од дома поради глутниците
-
Три млади лица загинаа во тешка сообраќајка во Кичево
-
Велигденска честитка на Н.В.П. д-р Киро Стојанов, Скопски бискуп и Струмичко – скопски епарх
-
Изненадување во Мајами: Алкараз елиминиран од Димитров
-
Ѓоковиќ се уште не избрал нов тренер