Нема повредени во сообраќајната несреќа на влезот на Делчево

Очевидци на настанот како можна причина за сообраќајната несреќа го наведуваат лизгавиот коловоз и појавата на голомразица.

 

Полицијата на местото на настанот ги утврдува причините за несреќата поради која сообраќајот до 18:00 часот беше во краткотраен прекин.

 

Во несреќата, како што информираа од Итната медицинска помош, не била побарана помош, што според лекарите укажува на фактот дека во несреќата нема повредени лица. Повеќе детали за несреќата и причинетата материјална штета од делчевската полиција најавија за утре.