Нема пари за членките на ЕУ кои не се солидарни со бегалците
Земјите кои што не ја делат солидарноста како европска вредност не можат да сметаат на европските пари, најави германскиот министер за економија Зигмар Габриел во интервју за весникот „Билд“.
Германскиот вицеканцелар во интервјуто ги повтори заканите искажани од неговиот колега министерот за внатрешни работи на Германија Томас де Мазиер. Габриел вели дека „додека неговата земја отвора училишта, и домови за бегалските семејства други земји поставуваат бодликава жица на своите граници и ги затвораат граничните премини“.
„Европа е заедница на вредности базирана на човечко разбирање и солидарност и тие што не го делат нашите вредности не можат да сметаат на нашите пари за некое време“, изјавил Габриел кој е лидер на втората најмоќна германска партија СПД која е во коалиција со партијата ЦДУ на канцеларката Меркел. Тој смета дека доколку оваа практика не запре Европа ќе биде во поголема криза од онаа што ја предизвика финансиската и грчката криза.
Коментарите на вториот човек во германската влада пред се се однесуваат на однесувањето на Унгарија која ја затвори границата со сите свои соседи и која користи значителни фондови од заедничкиот буџет на ЕУ но и на Хрватска која по само еден ден криза на својата граница најави дека веќе нема капацитет да прими бегалци. Сликите од српско - унгарската граница каде што по усвојувањето на антибегалските закони од владата во Будимпешта беа употребени солзавец и водени топови предизвика шок во ЕУ и негативен имиџ за унијата која се доживува како заедница каде што меѓународните конвенции за човекови права и правата на бегалците се почитуваат целосно и каде што жртвите на воените конфликти секогаш можеле да најдат прибежиште.
Ново на Сител
-
Србија: Приведени четворица припадници на косовската полиција
-
СПМ: Пендаровски секогаш бара вина кај другите
-
Османи: Петмина косовски полицајци се држат во заложништво во Србија
-
Неделков: СОНК нема да дозволи исплата на плата спротивно на Колективниот договор за дејноста култура
-
Над 20 слаби земјотреси регистрирани во Турција
-
Герасимовски: Решен децениски проблем со безбедноста на сообраќајот на улицата ,,Наум Наумовски Борче"
-
Четврти ден штрајк на приватни специјализанти
-
Мицотакис: Да направиме сè што е во наши раце за смирување на кризата на Блискиот исток