Негативен на Ковид-19 е резултатот на бебето родено на 30-ти март на ГАК од мајка позитивна на вирусот

Министерството за здравство информираше дека негативен на Ковид-19 е резултатот на бебето родено на 30-ти март на Клиниката за гинекологија и акушерство во Скопје од мајка позитивна на вирусот. Пациентката позитивна на корона вирусот роди живо машко новороденче, кое е недоносено и се наоѓа на интензивната нега на Клиниката за гинекологија и акушерство во Скопје. На 31-ви март неговата мајка поради отежнато дишење со намалена сетурација беше веднаш префрлена и хоспитализирана на Клиниката за инфективни болести и фебрилни состојби , од каде информираат дека нејзината состојба е стабилна. Родилката од Куманово е на возраст од 27 години, таа беше спроведена и породена во изолација поради фактот  како суспектна на Ковид-19 со упат на дијагноза која укажува на намалена плодова вода била најавена и испратена на Клиниката преку матичниот лекар. При приемот на пациентката освен комплетната лабораторија веднаш и’ е земен и брис за проверка на Ковид-19.