Неделава Самит на НАТО во Брисел, Македонија очекува покана
Неделава во Брисел треба да се одржи Самитот на НАТО на кој Република Македонија очекува да добие покана за членство во Алијансата. Министерката за одбрана Радмила Шеќеринска денеска заедно со Националниот координатор за НАТО Стево Пендаровски ќе одржи брифинг за новинарите пред одржувањето на овој Самит.
По добивањето на поканата за членство во НАТО, Македонија очекува да седне на маса со Алијансата и процесот на зачленување да не потрае подолго од шест месеци. Вицепремиерката Радмила Шекеринска во вчерашното интервју за Радио Слободна Европа изјави дека не очекува да се појават дополнителни проблеми во текот на процесот.
Таа не прецизираше дали се планираат конкретни мерки против Претседателот кој одбива да го потпише указот за Законот за ратификување на договорот со Грција, кој е еден од условите за членство во НАТО, но рече дека постојат неколку опции. Сепак, засега се концентрирани на референдумот.
Генералниот секретар на НАТО Јенс Столтенеберг на средбата што со македонскиот премиер Зоран Заев ја имаше на крајот на јуни изјави дека очекува лидерите на земјите членки на Алијансата на Самитот што ќе се одржи на 11 и 12 јули да донесат одлука за официјално започнување на преговорите за полноправо членство на Македонија во НАТО.
Столтенберг очекува да биде постигната согласност Македонија да биде поканета во полноправно членство и да почнат пристапните преговори, но приемот на земјата, рече, ќе зависи од епилогот на Договорот со Грција односно неговото прифаќање на референдум.
Столтенберг рече дека доколку Договорот за името не помине на референдум, тешко Македонија да добие покана за НАТО.
Од НАТО, како што јави дописничката на МИА од Брисел, тогаш појаснија дека генералниот секретар Столтенберг очекува „иницирање“ на пристапните преговори на претстојниот Самит на НАТО на 11 и 12 јули, но дека тие преговори „можат да бидат заокружени само откако ќе се финализира Договорот, вклучително и референдумот“, на кој треба да биде прифатен Договорот за името.
Популарно од Македонија
Ново на Сител
-
Се бара нов 48-часовен притвор за четворицата осомничени за разбојништвата со смртни последици во Ѓорче
-
ДИК на седница усвои барање за акредитација за набљудувачи на изборите во Брвеница
-
Мицкоски: Граѓаните на Брвеница да гласаат за проект повеќе и подобар живот, а не за етнички поделби
-
Полицајци фалсификувале службен извештај за контрола на седум возила, но возачите тврдат дека никој не ги запрел
-
72-годишен Французин починал на Кадиохирургија во Скопје
-
Двајца малолетници нападнале и ограбиле 62-годишен маж во Тетово, едниот го повредил со остар предмет
-
Брнабиќ ја повика Студентската листа што поскоро да формира власт
-
Николоски: Автопатот Скопје-Блаце директно не поврзува со пристаништето во Бар
