Недела на љубовта во „Феникс“ од 10-ти до 17 февруари

Културниот центар „Феникс“ во рамки на отворениот Фестивал на чајот и читањето, од 10-ти до 17 февруари ќе организира Недела на љубовта.

Во наведениот период посебен акцент ќе биде ставен на книгите и уметничките слики со тема љубов, кои ќе се продаваат со попусти од 50 до 80 отсто, а за комплетите со книги со љубовна тематика, ќе следува вино на подарок.

Посетителите на Неделата на љубовта може да станат и членови на Клубот на книгата Феникс со бесплатна легитимација за попусти во текот на целата година.

Во текот на Неделата на љубовта ќе бидат презентирани над сто изданија со љубовна тематика и исто толку ликовни дела од помал формат, информира „Феникс“.