Не зел плата па седнал во багер и му уништил 5 камиони на газдата | ВИДЕО

Работник од Турција по име Хакан М., создал вистински неред на работа поради неисплатената плата.

Имено, Хакан работел на ископ на јаглен, а откако не ја добил платата, седнал во багерот и искршил пет камиони на неговиот работодавец.

Сопственик на компанијата наводно е неговиот вујко Омер, пишува турскиот портал Хабертурк.

Тие пишуваат дека Хакан би направил уште поголема штета ако луѓето не почнале да го смируваат додека кршел камиони.

Овој инцидент, кој наводно се случил пред еден месец, е снимен и објавен на Тикток. За кратко време стана вирален.

Видеото за два дена собра 7,5 милиони прегледи и повеќе од 25.000 коментари. Многумина напишаа пораки за поддршка на Хакан.

„Тешко е, негово право е да си наплати“, „Тој дал се од себе“, „Зошто не ги плаќате вашите вработени?“, „Ќе го најдам овој човек и ќе му подадам рака“, „Тој го направи она што требаше да стори “,се некои од коментарите.