НАСА и роверот „Љубопитност“ 3.000 дена на Марс
Американската Национална воздушно-вселенска администрација – НАСА одбележува 3.000 дена откако роверот „Љубопитност“ (Curiosity), слета на Марс, на 6 август 2012 година.
Во чест на настанот, НАСА минатата недела објави тнр. панорамска фотографија од Црвената планета, направена од роверот на 18 ноември 2020 година – 2.946-тиот ден. Снимката се состои од 122 посебни кадри од околината на роверот.
„Љубопитност“ во мигов е на планината Шарп, и бара сознанија околу тоа – зошто Марс се претворил од влажна планета во денешнатта студена пустина. Планината Шарп се издига на 5,5 километри од подножјето на кратерот Гејл, каде што слета роверот во 2012 година.
Деновите на Марс се нешто подолги од оние на Земјата. Еден ден таму е еднаков на еден ден и 40 минути на нашата планета. За околу еден месец, се очекува уште еден ровер на НАСА – „Упорност“, да слета на Марс. Тој ќе има поразлични задачи – ќе бара податоци за можен живот во минатото и ќе собира примероци коишто ќе бидат вратени на Земјата заради испитување.
Ново на Сител
-
Мицкоски на работна средба со претседателот и главен извршен директор на Стопанска комора на Дубаи
-
ЦУК: Активни пожарите на планините Кожуф и Добра Вода
-
Сиљановска-Давкова ја почна посетата во САД со обраќање за 30 години од Четвртата светска конференција за жените
-
Одржана комеморација за Кирк: Трамп го нарече маченик за слободата
-
Земјотрес почувствуван во Македонија
-
Франција, Белгија и Нов Зеланд се подготвуваат денеска да ја признаат Палестина
-
Нетанјаху: Палестинска држава нема да има западно од Јордан
-
Марко Ѓуриќ: Изјавата на босанскиот министер за одбрана не придонесува за стабилност во регионот