Народната канцеларија на претседателот Иванов во Скопје повторно во функција
Народната канцеларија на претседателот Ѓорге Иванов во Скопје од денеска е повторно во функција и е отворена за граѓаните на Република Македонија.
Народната канцеларија во Скопје беше отворена на лична иницијатива на претседателот Иванов во април 2010 година, како резултат на неговиот интерес за непосреден контакт со граѓаните и нивен конкретен придонес во градењето успешни и функционални политики.
Изминатите седум години во Народната канцеларија во Скопје, како што информираат од кабинетот на Иванов, беа организирани многу настани и манифестации од културен и научно-едукативен карактер, натпревари, изложби и промоции.
Преку народните канцеларии, граѓаните имаа можност да ги изложат своите иницијативи, предлози и сугестии од јавен карактер, како и да се запознаат со активностите на институцијата Претседател.
- За време на протестите на т.н.„Шарена револуција“ во април минатата година, Народната канцеларија во Скопје беше демолирана и уништена од страна на дел од демонстрантите. Судскиот процес против сторителите на кривичното дело, се уште е во тек, се наведува во соопштението од кабинетот на претседателот Иванов.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица