Народна банка: Продолжуваат поволните поместувања во економијата
Поволните поместувања во економијата се забележани во периодот април – мај годинава, видливи преку забрзаниот раст на трговијата и продолжување на растот на индустријата, покажува најновата информација на Народната банка.
-Тековно расположливите високофреквентни податоци за периодот април-мај 2019 година главно упатуваат на продолжување на поволните поместувања во економијата, видливи преку забрзаниот раст на трговијата и продолжување на растот на индустријата. Ова, дополнето со стапка на раст на економската активност во првиот квартал 2019 година од 4,1 отсто, блиска до проектираната, соодветствува со очекувањата за солиден економски раст во 2019 година, стои во информацијата.
Просечната годишна инфлација, како што e наведено, во првата половина од годината изнесува 1,2 отсто, со што останува во зоната на умерени промени.
Според Народната банка, девизните резерви и натаму се во сигурна зона. – Податоците за второто тримесечје на оваа година укажуваат на раст на резервите во однос на крајот на првиот квартал, што главно се должи на интервенциите на девизниот пазар од страна на Народната банка со откуп на девизи, наведуваат од Народната банка.
На годишна основа, во мај, вкупните депозити се повисоки за 10,7 отсто, а вкупните кредити за 8,3 отсто.
Во информацијата стои дека најновите податоци упатуваат на забавување на стапката на раст на глобалната економија во првата половина од оваа година, при што дел од меѓународните организации извршија надолни ревизии на проекциите за глобалниот економски раст.
Ново на Сител
-
Холандија и Данска се најдобри земји за деца
-
Приведен 61-годишник, при претрес на неговиот дом најдени се пушки, пиштол и куршуми различен калибар
-
Филков: СДСМ е последна партија што има право да зборува за реформи во правосудството
-
Кремљ со реакција на изјавата на Макрон: Нуклеарното ширење не е решение за Европа
-
Претседателот на Европскиот совет Антонио Кошта утре во Скопје
-
Мицкоски за утрешната посета на Кошта: Ќе ги пренесеме нашите ставови во врска со уставните измени
-
Поранешен началник на Одделение за лично обезбедување на министри лажирал работни часови на вработени
-
Трамп: Не знам дали Путин ќе дојде на преговорите во Турција