Напад на Исламска држава во главниот град на Уганда, едно лице загина
Едно лице загина, а три се повредени во бомбашки напад во бар во главниот град на Уганда, за кој одговорноста ја презеде милитантната група Исламска држава.
Бомбата експлодирала во саботата вечерта во бар на периферијата на Кампала, при што загинала 20-годишна келнерка, а три лица се повредени, од кои две се во критична состојба, соопшти полицијата.
– Напаѓачите се маскирале како гости, нарачале храна и пијалоци, а потоа поставиле експлозивна направа во пластична кеса под масата, која експлодирала неколку минути откако заминале, изјави полицискиот портпарол Фред Енанг.
Милитантната група Исламска држава ја презеде одговорноста за нападот, објавувајќи во неделното соопштение на каналот Телеграм дека нејзините членови активирале експлозивна направа во бар каде што се собирале „членови и шпиони на угандската крстоносна влада“.
Претседателот на Уганда, Ловери Мусевени на Твитер објави дека станува збор за терористички чин, ветувајќи дека сторителите ќе бидат фатени.
Бомбата била поставена една недела откако британската Влада ги предупреди британските граѓани дека „терористите најверојатно ќе се обидат да извршат напади“ во Уганда, советувајќи ги да бидат внимателни на јавни места, вклучително и ресторани и барови, јави Би-Би-Си.
Популарно од Свет
Ново на Сител
-
Државата ќе гради Национален дата-центар
-
Пет лица под лупа на ДКСК поради истовремено извршување повеќе функции
-
Се е подготвено за вечерашниот старт на Пиво фест, ќе трае до недела, се очекуваат гости од цела Македонија
-
Поплавени објекти и оштетени возила по големото невреме кое синоќа ја погоди Битола
-
Тема на денот со Драган Тилев, поранешен државен советник за европски прашања
-
Над 1000 граѓани во болница, пумпи со вода од Вардар биле приклучени на градскиот водовод!?
-
Над 1000 граѓани во болница, пумпи со вода од Вардар биле приклучени на градскиот водовод!?
-
Забрана за користење на водата во Гостивар
